Një vogëlushe tre- vjeçare ka marrë një trajtim për paralizë cerebrale (CP), duke përdorur qelizat staminale prej gjakut të kordonit kërthizor të vëllait të saj. Kampioni u mor pas lindjes së tij nga kordoni dhe u depozitua në ruajtje pranë Future Health Biobank, në stabilimentin tonë të Zvicrës.

Pasi mësoi rreth provave klinike pioniere për trajtimin e paralizës cerebrale në Duke University, familja vendosi të kërkonte lëshimin e kampionit të gjakut të kordonit për trajtimin e mundshëm. U desh më pak se një javë që kampioni të lëshohej nga stabilimenti i Future Health në Zvicër dhe të dërgohej pranë Spitalit të Duke University – aty ku infuzioni i qelizave staminale u krye me sukses.

Synimi i infuzioneve të tillë të qelizave staminale prej gjakut të kordonit për trajtimin e paralizës cerebrale është të përmirësojë funksionin motor tek pacientët duke zëvendësuar qelizat e vdekura. Për këtë vogëlushe shpresohet se ajo dhe prindërit e saj do të fillojnë t’i vërejnë këta përmirësime brenda 3 – 6 muajsh. Mjaft pacientë me Paralizë Cerebrale kanë demonstruar tashmë rezultate inkurajuese në ndjekje të trajtimeve të kryera prej Duke University.

Nëna e vogëlushes tha se pas shumë kërkimesh që kishin bërë, ky trajtim me qeliza staminale ishte opsioni i vetëm i mundshëm. Ajo foli me Future Health rreth eksperiencës që ajo pati duke ruajtur qelizat staminale me ne:

Ne mësuam rreth Future Health në internet, pasi kishim bërë disa kërkime online. Të gjithë shërbimet që na u dhanë ishin një përvojë ekselente. Stafi mjaft profesional, shumë të disponueshëm, përgjigje të shpejta me email dhe përmes telefonit, shumë të këndshëm, efiçientë dhe që tregonin shumë vëmendje ndaj nevojave të tua.

Ju mund të lexoni më shumë rreth përparimeve më të fundit në fushën e trajtimeve me qeliza staminale në Duke University Hospital këtu.

Gage, i cili ishte ngjizur përmes një procedure IVF, lindi në rrugë natyrale pas një shtatëzanie në term të plotë. Prindërit e tij zgjodhën procedurën me mbyllje të vonuar me klemë të kordonit, ndërkohë që kishin marrë masa shtesë duke mbledhur dhe ruajtur gjakun e kordonit kërthizor të tij pas lindjes. Megjithatë, kur ai ishte gjashtë muajsh, nëna e Gage, Renee, nisi të shqetësohej për shëndetin e tij pasi kishte vënë re disa sjellje të pazakonta. Ecja këmbadorazi e Gage nuk ishte simetrike, ai bënte lëvizje të përsëritura, dhe ai nuk bënte kontakt me sy.

Në fillim, prindërit e Gage vunë re se ai lëvizte këmbadorazi në mënyrë josimetrike, bënte lëvizje të përsëritura dhe nuk vendoste kontakte me sy. Nga mosha dyvjeçare, ai u dignostikua me Çrregullime të Spektrit Autik të nivelit 2. Kjo do të thoshte se atij do tí nevojitej një mbështetje e plotë në lidhje me aftësitë në të folurit dhe në zhvillimin e të mësuarit.

E vendosur për ta ndihmuar të birin në çdo mënyrë të mundshme, Renee e zhyti veten e saj në kërkimet mbi autizmin dhe shpejt ra në kontakt me mundësinë e trajtimit terapueutik me qelizat staminale të gjakut të kordonit kërthizor. Me shpresën për t’i përdorur qelizat staminale të gjakut të kordonit të vetë Gage të cilat i kishte ruajtur pas lindjes, Renee, u përpoq ta regjistronte Gage në një provë klinike e cila zhvillohej pranë Duke University.

Sidoqoftë, ata mbetën të zhgënjyer kur mësuan se kampioni i Gage ishte kontaminuar gjatë procesit tëvendosjes në ruajtje. Ishte pikërisht ky momenti kur familja ktheu sytë nga qelizat staminale mezenchimale (MSC) nga inde të kordonit të dhurura që mundësisht të trajtonte autizmin e Gage.

Kur ishte pranë ditëlindjes së tretë të tij, Gage mori një infuzion qelizash staminale mezenchimale (MSC) nga Xheli i Whartonit në përbërje të indit të kordonit kërthizor që i’u dhurua. Terapia eksperimentale u kryer nga mjeku i Gage jo shumë larg nga shtëpia e tij në SHBA dhe ajo ishte e thjeshtë e pa komplikacione.

Për habinë e prindërve të tij, fjalori i Gage u rrit me shpejtësi në ndjekje të terapisë së tij me qeliza staminale, dhe pasi ai kreu më vonë dhe katër infuzione të tjera qelizash staminale mezenchimale, Gage është tani një pesëvjeçar i shoqërueshëm dhe që nuk i pushon goja, e që ndjek një shkollë normale.

Ndërkohë që terapia me qeliza staminale të dhurura për Gage ishte e suksesshme, besohet se qelizat staminale autologe të marra nga gjaku dhe nga indi i kordonit kërthizor të vetë fëmijës pas lindjes janë më të efektshme. Ndaj, nëse ju jeni duke shqyrtuar opsionin e ruajtjes në bankë të qelizave staminale për fëmijën tuaj, sigurohuni që të zgjidhni një bankë qelizash staminale të mirërregulluar nga pikëpamja teknike e rregullatore e cila kontrollon të gjithë kampionët për bakteriet e kontaminimet e zakonshme.

Referenca:
parentsguidecordblood.org/en/