Këto qeliza të çmuara ekstraktohen prej kordonit kërthizor menjëherë sapo fëmija juaj ka ardhur në jetë. Qelizat staminale të gjendura në gjakun e kordonit njihen si qeliza naïve e thelbësisht, kjo domethënë se ato kanë ende mundësi për t’u specializuar e për t’u bërë një lloj specifik qelize. Përfitimi prej të qënit naïve i këtyre qelizave staminale do të thotë se ato kanë aftësinë unikale ta konvertojnë vetveten në lloje të tjera qelizash gjaku, si rruazat e bardha të gjakut, për qëllime të terapive rigjeneruese.

Këto lloje qelizat staminale janë specifikisht të quajtura qeliza staminale hematopoietike (HSC) dhe ato luajnë një rol jetik në trajtimin e problemeve shëndetësore të lidhura me gjakun siç është leuçemia. HSC janë përdorur në mbarë botën për mbi 35,000 transplante dhe ky numër rritet në mënyrë konstante.

Aktualisht, ka mbi 85 lloje të ndryshme sëmundjesh dhe çrregullimesh të cilat mund të trajtohen me qelizat staminale të kordonit kërthizor, përfshirë kanceret e gjakut si leuçemia. Anemia dhe Talasemia gjithashtu trajtohen rëndom me anë të transfuzioneve të qelizave staminale dhe përgjithësisht konsiderohen si forma më e mirë e trajtimit. Future Health Biobank ka lëshuar kampionë për trajtim në SHBA, Europë dhe Lindjen e Mesme.

Aktualisht, janë në zhvillim e sipër mbi 300 prova klinike të fokusuara në mundësitë e këtyre qelizave staminale për trajtimin e një game të gjerë sëmundjesh serioze si paraliza cerebrale, diabeti dhe sëmundjet e zemrës.

Qelizat staminale të gjendura në indin e kordonit quhen qeliza staminale mezenkemiale (MSC). Ky lloj i veçantë qelizash staminale është provuar se e gjen veten në një sërë terapish rigjeneruese përfshirë prodhimin e indeve lidhëse, të kockave, kërceve dhe rehabilitimin e lëkurës së dëmtuar, mëlçisë dhe qelizave nervore.

Në fakt, është mundësia në të ardhmen e këtyre qelizave staminale, që të intrigon më shumë. Shpresohet se brenda periudhës së jetës së fëmijëve tanë këto qeliza staminale unikale do të përdoren në mënyrë rutinë për trajtimin e një sërë sëmundjesh si kanceri, plagosjet e trurit dhe sëmundjet e mëlçisë.

Ruajtja e qelizave staminale të indit të kordonit kombinohet me shërbimin tonë të ruajtjes së gjakut të kordonit për t’ju dhënë mundësi prindërve të përfitojnë potencialisht si prej mundësive të trajtimit në të tashmen me qeliza staminale të gjakut ashtu dhe nga mundësitë në të ardhmen të qelizave staminale të indit të kordonit.